Mekë: Faza e parë e zgjerimit të Xhamisë së Madhe në përfundim
Shembja e mbi 2.000 objekteve, si pjesë e fazës së parë të zgjerimit të oborrit verior të Xhamisë së Madhe, pothuajse ka përfunduar, deklaroi El Turaimi Assam, nënkryetari i Komisionit i cili mbikëqyr punimet rret zgjerimit
Rreth 30 miliardë rial u janë paguar pronarëve të 2.250 objekteve, derisa tarifat e mbetura do të paguhen pas përfundimit të procesit.
"Nevojiten edhe 961 objekte për fazën e dytë të projektit, me çka do të realizohet zgjerimi më i madh në historinë e Xhamisë së Madhe", tha El Turaimi.
Zgjerimi, i cili pas përfundimit do të ndryshoj pamjen e Xhamisë së Madhe, është urdhëruar nga mbikëqyrësi i dy tempujve të shenjtë mbretit Abdullah që në janar të vitit 2008, dhe do të mundësoj strehim edhe për 500.000 besimtarë në një hapësirë të gjerë për namaz, të cilat do të bëhen në pjesët veriore dhe veriperëndimore të xhamisë.
Zgjerimi përfshin hapësirën prej 370.000 metra katrorë dhe përfshin ndërtimin e hoteleve të reja, objekteve të banimit, qendrave tregtare dhe shërbimeve publike.
El Turaimi tha se pronarëve të objekteve u janë ofruar prona alternative ose të holla. "Ekzistojnë edhe disa objekte, pronarët e të cilëve nuk janë shfaqur ende para Komitetit me dëshmi të pronës. Pronat e tilla do të regjistrohen si pronë shtetërore. Dhe nëse në të ardhmen do të paraqitet kërkesa e pronarit, pas përfundimit të procedurave të nevojshme ato do të kompensohen", tha ai duke shtuar se vlerësimin e pronës e bëjnë ekspertët nga agjencitë dhe departamentet e ndryshme.
Sipas El Turaimit, objektet që do të merren në fazën e dytë, përfshirë këtu 386 parcela për zgjerimin e oborrit verior, 341 parcela për ndërtimin e tuneleve për këmbësorë dhe 235 parcela për stacionin qendror.
Do të ndërtohen dy tunele të këmbësorëve që do të çojnë deri në Xhaminë e Madhe, njëri do të fillojë nga selia e Mbrojtjes Civile në rrugën El Haxhun, dhe tjetri nga tregu i gjelbër në rrugën Omer bih Abdul Aziz. Këtu, gjithashtu do të jenë tunelet për raste emergjente të cilat do të fillojnë nga rruga Halid el-Valid, dhe do të lidhen me këto dy tunele.
"Vlerat e Pronës kanë kaluar 300.000-450.000 rial. Pronarët e disa objekteve janë duke e shtyrë shitjen, ndërsa disa të tjerë i kanë dyfishuar çmimet e tyre. Një numër i madh i qytetarëve, toka e të cilëve u është marrë për zgjerim, janë rivendosur në vend tjera dhe kanë ndërtuar shtëpi", tha Saad el-Sherif, ekspert i patundshmërisë.